Wed05042016

Last updateWed, 04 May 2016 10am

Back You are here: Home Using Joomla! Using Extensions Modules Navigation Modules விளையாட்டு/பொது கிரிக்கெட் தவறுகளில் இருந்து திருத்திக்கொள்ள வேண்டும்: ரவி சாஸ்திரி அறிவுரை

தவறுகளில் இருந்து திருத்திக்கொள்ள வேண்டும்: ரவி சாஸ்திரி அறிவுரை

இந்தியா- ஆஸ்திரேலியா கிரிக்கெட் அணிகளுக்கு இடையிலான ஐந்து போட்டிகள் கொண்ட ஒருநாள் தொடரை ஆஸ்திரேலியா 3-0 என

வென்றுவிட்டது. இனிமேல் நடக்கும் இரண்டு போட்டிகளும் இந்தியா தனது வெற்றியை பதிவு செய்து பெருமையை சேர்த்துக் கொள்வதற்கானதுதான். ஆகவே, இந்த இரண்டு போட்டிகளிலும் இந்தியா வெற்றி பெற வேண்டுமென்றால் பவுலர்கள் அவர்களது தவறை திருத்திக்கொள்ள வேண்டும் என்று இந்திய அணியின் டைரக்டர் ரவிசாஸ்திரி கூறியுள்ளார்.

இதுகுறித்து அவர் மேலும் கூறுகையில் ‘‘பந்து வீச்சாளர்கள் அவர்களது தவறுகளை திருத்திக்கொண்டால் தொடர் தோல்வியை தவிர்க்க முடியும். பந்து வீச்சாளர்கள் மிகவும் ஏமாற்றம அடைந்திக்கிறார்கள். அதில் எந்த சந்தேகமும் இல்லை. ஏனென்றால், ஒரு போட்டியில் வெற்றி பெற வேண்டுமென்றால் ஒன்றிரண்டு பவுலர்கள் சிறப்பாக செயல்பட்டால் போதாது. அனைத்து பந்து வீச்சாளர்களும் சிறப்பாக பந்து வீச வேண்டும். கடந்த உலகக்கோப்பை போட்டியில் சிறப்பாக செயல்பட்டதற்கு காரணம், ஐந்து பந்து வீச்சாளர்களும் சிறப்பாக செயல்பட்டதுதான்.

அதுபோன்று செயல்பட்டால்தான் உலகின் தலைசிறந்த அணியை வெல்ல முடியும். ஆனால், இதுபோன்ற பந்து வீச்சுக்கு (ஷார்ட் பிட்ச் மற்றும் வைடு) எந்த காரணமும் சொல்ல முடியாது. அவர்கள் ஏமாற்றம் அடைந்திருப்பார்கள். அவர்கள் தங்களுடைய சிறந்த ஆட்டத்தை வெளிப்படுத்தி அணியை முன்னோக்கி எடுத்துச் செல்ல வேண்டும்.

வெற்றியை நெருங்கி வந்து அதை சிறப்பாக முடிக்க வேண்டுமென்றால் நாம் இதைவிட சிறப்பாகவும், தொடர்ந்து சீரான நிலையிலும் பந்து வீச வேண்டும். 3-வது போட்டியில் தோல்வியடைந்த பின்னர் டோனி கூடுதலாக சில பவுண்டரிகள் சென்றுவிட்டது என்று குறிப்பிட்டார். அது பேட்ஸ்மேன்கள் அடித்து வந்தது கிடையாது. பந்து வீச்சாளர்களின் லூஸ் (Loose) பந்துகளால் கிடைத்தது. அதை அவர்கள் கட்டாயம் தவிர்க்க வேண்டும். இதை அவர்கள் 60 முதல் 70 சதவீதம் தடுத்தால் போட்டி கடுமையாகச் செல்லும்’’ என்றார்