Wed07302014

Last update12:04:05 PM

Font Size

Profile

Menu Style

Cpanel
Back விளையாட்டு விளையாட்டு கிரிக்கெட் தோனிக்கு தேவை தாக்குதல் "ஸ்டைல்' * பாக்., பயிற்சியாளர் ஆலோசனை

தோனிக்கு தேவை தாக்குதல் "ஸ்டைல்' * பாக்., பயிற்சியாளர் ஆலோசனை

மும்பை: ""இங்கிலாந்துக்கு எதிரான மீதமுள்ள டெஸ்ட் போட்டிகளில், இந்திய கேப்டன் தோனி, தாக்குதல் பாணியிலான "பீல்டிங்' வியூகம் அமைக்க வேண்டும்,'' என, பாகிஸ்தான்

பயிற்சியாளர் மொசின் கான் தெரிவித்தார்.

 

இது குறித்து மொசின் கான் கூறியது:

இந்தியா, இங்கிலாந்து அணிகள் மோதிய முதல் இரு டெஸ்ட் போட்டிகள் முழுவதையும் "டிவி'யில் பார்த்தேன். பீட்டர்சன், குக் இருவரும் பேட்டிங்கில் ஜொலித்தனர். சுழலில் சுவான், பனேசர் அசத்தினர். இதை மறுக்க முடியாது. அதேநேரம், இங்கிலாந்து பேட்டிங்கின் போது, இந்திய அணியினர் அதிகளவில் நெருக்கடி தரவில்லை. பல்வேறு தவறுகளை செய்தனர். இது ஏமாற்றமாக இருந்தது.

"பீல்டிங்' சரியில்லை:

பீட்டர்சன், குக் பேட்டிங்கின் போது, "டீப் பாயிண்ட்', "டீப் மிட்-விக்கெட்' திசையில் "பீல்டர்களை' நிறுத்தவில்லை. அதிகமான "பீல்டர்களை' உள்வட்டத்தில் நிறுத்தி, தாக்குதல் முறையில் விளையாடி இருக்க வேண்டும். இது அனைத்து நேரங்களிலும் கைகொடுக்காது என்றாலும், 70 முதல் 80 சதவீதம் வரை வெற்றி கிடைக்கும்.

சிறந்த கேப்டன்:

ஆனால், ஒருநாள் போட்டியைப் போல, தோனி "பீல்டர்களை' நிறுத்தினார். இது இரண்டாவது இன்னிங்சிலும் தொடர்ந்தது பெரும் ஏமாற்றம் தான். தோனி சிறந்த கேப்டன் தான். பல்வேறு வெற்றிகள் பெற்றுத் தந்துள்ளார். இதில் எவ்வித சந்தேகமும் இல்லை.

ஆனால், பவுலர்களிடம் தோனி கடினமாக பேசவேண்டும். அவரது இடத்தில் நான் இருந்திருந்தால், சுழற்பந்து வீச்சாளர்களிடம் கடுமையாக பேசியிருப்பேன். உலகத்தரம் வாய்ந்த ஹர்பஜனை ஊக்குவிக்க வேண்டும்.

இந்திய அணி சிறப்பான பவுலர்களை பெற்றுள்ளது. அவர்களால் எந்த அணியையும் வீழ்த்த முடியும். தவிர, நல்ல பீல்டர்களும் <<உள்ளனர். ஆனால், சரியான இடத்தில், சரியான வீரரை நிறுத்துவதில் தான் வெற்றி அடங்கியுள்ளது.

மாற்றம் வேண்டாம்:

கோல்கட்டா டெஸ்டுக்காக இந்திய அணியில் மாற்றம் செய்ய வேண்டிய தேவையில்லை. மும்பையில் களமிறங்கிய அதே அணியே விளையாடலாம். ஆடுகளத்துக்கு ஏற்ப சுழற்பந்து வீச்சாளர்களை பயன்படுத்த வேண்டும். மும்பையில் என்ன செய்வது, எப்படிச் செய்வது என, எந்த அளவில் பவுலிங் செய்வது என்பதில் அஷ்வினும், ஓஜாவும் சற்று குழம்பி போய்விட்டார்கள் எனத் தெரிகிறது.

சரியான செயல்:

கோல்கட்டாவிலும் சுழலுக்கு தகுந்து ஆடுகளம் அமைக்குமாறு தோனி கூறியது சரியானது தான். மும்பையில் அடைந்த தோல்வியை மட்டும் கணக்கில் கொள்ளக் கூடாது. ஏனெனில் ஆடுகளம் "பவுன்ஸ்' ஆனால் தான், அது "ஸ்பின்னர்களுக்கு' உதவியாக இருக்கும்.

இவ்வாறு மொசின் கான் கூறினார்.