Wed09282016

Last updateThu, 29 Sep 2016 1am

Back You are here: Home

Articles

தெறி' படப்பிடிப்பை முடித்த எமி ஜாக்சன்

அட்லீ இயக்கத்தில் விஜய், சமந்தா, எமி ஜாக்சன் மற்றும் பலர் நடிக்கும் 'தெறி' படத்தின் படப்பிடிப்பு கடைசிக் கட்டத்தை எட்டியுள்ளது. இன்னும் சில

நாட்களில் இப்படத்தின் மொத்தப் படப்பிடிப்பும் நிறைவடைய உள்ளது. ஜம்மு காஷ்மீர் மாநிலத்தில் உள்ள லடாக் மலைப் பகுதியில் நேற்று இப்படத்தின் படப்பிடிப்பு நடந்தது. படத்தின் இரண்டு நாயகிகளில் ஒருவரான எமி ஜாக்சன் அவருடைய காட்சிகளுக்கான படப்பிடிப்பை நேற்று லடாக்கில் நடந்த படப்பிடிப்புடன் முடித்துக் கொடுத்துவிட்டார்.

தெறி' குழுவினருடன் மறக்க முடியாத அனுபவத்துடன் பணியாற்றினேன். மிகச் சிறந்த நடிகரான விஜய்க்கும், என்னுடைய புத்திசாலித்தனமான இயக்குனர் அட்லீக்கும் மிக்க நன்றி,” என 'தெறி' படத்தின் கடைசி நாள் படப்பிடிப்பு அன்று படக்குழுவைப் பற்றித் தெரிவித்துள்ளார்.

எமி ஜாக்சன் நடித்து அடுத்து வெளிவர உள்ள பெரிய படம் என்றால் அது 'தெறி' தான். தற்போது ரஜினிகாந்த் ஜோடியாக '2.0' படத்தில் நடித்து வருகிறார். இதனிடையே ஜல்லிக்கட்டை எதிர்ப்பதற்காக எமி ஜாக்சனுக்கு பலரும் எதிர்ப்பு தெரிவித்து வருகிறார்கள். எமியின் முந்தைய வெளியீடான 'தங்க மகன்' தோல்வியைத் தழுவியதும், 'கெத்து' படத்திற்கு சுமாரான வரவேற்பும் கிடைத்து வரும் நிலையில் 'தெறி' படம்தான் எமியைக் காப்பாற்ற வேண்டும்.