Sun05012016

Last updateSun, 01 May 2016 2pm

Back You are here: Home

Articles

ஈரான் அணுசக்தி ஒப்பந்த அமலாக்கம் குறித்து ஐ.ஏ.இ.ஏ-வின் தலைவருடன் பேச்சுவார்த்தை

ஈரான் அணுசக்தி ஒப்பந்த அமலாக்கம் குறித்து அந்நாட்டு அதிபருடன் .நா. சர்வதேச அணுசக்திக் கண்காணிப்பு அமைப்பான ...-வின்

தலைவர் யுகியா அமானோ திங்கள்கிழமை சந்தித்துப் பேச்சுவார்த்தை நடத்தினார்.

 இதுகுறித்து தகவல்கள் தெரிவிப்பதாவது:

 வல்லரசு நாடுகளுடனான அணுசக்தி ஒப்பந்தத்தில் கூறப்பட்டிருந்த வாக்குறுதிகளை ஈரான் நிறைவேற்றியுள்ளது திருப்தியளிப்பதாக .... அளித்த அறிக்கையின் அடிப்படையில், ஈரான் மீது விதிக்கப்பட்டிருந்த பொருளாதாரத் தடைகளை அமெரிக்காவும், ஐரோப்பிய யூனியனும் நீக்கின.

 இந்தச் சூழலில், ஈரான் வந்துள்ள .... அமைப்பின் தலைவர் யுகியா அமானோ, அந்த நாட்டு அதிபர் ஹஸன் ரெளஹானியையும், ஈரான் அணுசக்திக் கழகத்தின் தலைவர் அலி அக்பர் சலேஹியையும் திங்கள்கிழமை சந்தித்துப் பேச்சுவார்த்தை நடத்தினார்.

 அணுசக்தி ஒப்பந்தத்தின் அம்சங்களை தொடர்ந்து செயல்படுத்துவது குறித்து அவர்கள் ஆலோசனை நடத்தினர் என்று தகவல்கள் தெரிவித்தன.

 ஈரான் மீதான பொருளாதாரத் தடை விலக்கப்பட்டிருப்பது, நாட்டு வரலாற்றில் ஒரு திருப்பு முனையாகும்.

 இதன் மூலம், ஈரானியர்களுக்கு உலகத்துடன் தொடர்பு ஏற்பட்டுள்ளது.

 உலகத்துக்கும், ஈரானியர்களுக்கும் இடையிலான உறவில் ஒரு புதிய அத்தியாயம் தொடங்கியுள்ளது என்றார் அவர்.

 இதுகுறித்து அமெரிக்க அதிபர் ஒபாமா கூறியதாவது:

 ஈரான் விவகாரத்தில் தற்போது ஏற்பட்டுள்ள முன்னேற்றம், பிரச்னைகளைப் பேசித் தீர்க்கும் எனது கொள்கைக்குக் கிடைத்த வெற்றியாகும்.

 மேற்காசியாவில் மேலும் ஒரு போரைத் துவங்காமல், பேச்சுவார்த்தை மூலமாகவே நாம் இந்த சாதனையை படைத்துள்ளோம்.

 அணு ஆயுதத் தயாரிப்பிலிருந்து ஈரான் பின்வாங்கியிருந்தாலும், பிராந்திய ஸ்திரத்தன்மையைக் குலைக்கும் செயல்களில் அந்த நாடு தொடர்ந்து ஈடுபடுகிறது. இதனால் அமெரிக்காவுக்கும், ஈரானுக்கும் இடையே கருத்து வேறுபாடு தொடர்கிறது என்றார் அவர்.

 இந்தக் கருத்து வேறுபாட்டின் அடையாளமாக, ஈரானின் ஏவுகணைத் திட்டத்தைச் சுட்டிக்காட்டி ஐக்கிய அரபு அமீரகம், சீனா ஆகிய நாடுகளில் உள்ள 5 ஈரானியர்கள், ஈரானிய நிறுவனங்கள் மீது அமெரிக்கா புதிய பொருளாதாரத் தடையை விதித்துள்ளது.

 கைதிகள் பரிமாற்றம்: ஈரான் மீதான பொருளாதாரத் தடைகள் விலக்கிக் கொள்ளப்பட்டதைத் தொடர்ந்து, நல்லெண்ண அடிப்படையில் அமெரிக்காவுடன் கைதிகள் பரிமாற்ற ஒப்பந்தத்தை ஈரான் மேற்கொண்டது.

 அமெரிக்க சிறையிலிருக்கும் 7 ஈரானியர்களின் விடுதலைக்குப் பதிலாக, தங்கள் நாட்டுச் சிறையிலிருக்கும் 4 அமெரிக்கர்களை விடுவிக்க ஈரான் ஒப்புக்கொண்டது.

 அதன்படி, அமெரிக்க கிறிஸ்துவப் பாதிரியார் சயீது அபேதினி, முன்னாள் அமெரிக்க வீரர் அமீர் ஹெக்மதி, "வாஷிங்டன் போஸ்ட்' இதழின் டெஹ்ரான் செய்தியாளர் ஜேஸன் ரெஸாயியான் ஆகியோர் ஈரானிலிருந்து விமானம் மூலம் சுவிட்ஸர்லாந்து அழைத்து வரப்பட்டனர்.

 ஈரானால் விடுவிக்கப்பட்ட நஸ்ரதுல்லா கூஸ்ராவி-ரூட்சாரி என்பவர் அந்த நாட்டிலிருந்து வெளியேற விரும்பாததால் அவர் அழைத்து வரப்படவில்லை என அதிகாரிகள் தெரிவித்தனர்.