Sun01212018

Last updateMon, 22 Jan 2018 4am

Back You are here: Home

Articles

அஜித் சண்டிலாவுக்கு வாழ்நாள் தடை, ஹிகென் ஷாவுக்கு 5 ஆண்டுகள் தடை: பிசிசிஐ

.பி.எல். போட்டியின்போது மேட்ச் பிக்சிங்கில் ஈடுபட்டதாக ராஜஸ்தான் அணிக்காக விளையாடிய சண்டிலா மற்றும் மேட்ச் பிக்சிங்கிற்காக .பி.எல்.

வீரரை நாடியதாக ரஞ்சி வீரர் ஹிகென் ஷா ஆகியோர் மீது குற்றம் சாட்டப்பட்டது. இதனால் அவர்கள் இருவருக்கும் பி.சி.சி.. வாழ்நாள் தடை விதித்தது. அதேபோல் பாகிஸ்தான் நடுவர் ஆசாத் ராப் மீதும் குற்றம் சாட்டப்பட்டது.

இவர்கள் மீதான நடவடிக்கை குறித்து இறுதி முடிவு எடுக்க கடந்த மாதம் பி.சி.சி.. தலைவர் ஷசாங் மனோகர்  தலைமையிலான ஒழுங்கு நடவடிக்கை குழு கூடியது. அப்போது சண்டிலால் மற்றும் ஹிகென் இந்த குழு முன் ஆஜரானார்கள். பின்னர் அவர்கள் கடந்த 5-ந்தேதி எழுத்துப்பூர்வமாக தங்கள் தரப்பு பதில் அறிக்கையை தாக்கல் செய்தனர். அதன்பின்னர் இறுதி தீர்ப்பை 18-ம் தேதிக்கு ஒத்திவைத்தது.

அதன்படி இன்று மீண்டும் கூடிய பிசிசிஐ ஒழுங்கு நடவடிக்கை குழு, சூதாட்ட வழக்கில் குற்றம் நிரூபிக்கப்பட்ட இருவர் மீதான தடை குறித்து ஆலோசனை நடத்தியது. இந்த ஆலோசனையின் முடிவில், அஜித் சண்டிலாவுக்கு வாழ்நாள் தடையும், ஹிகென் ஷாவுக்கு 5 ஆண்டுகள் தடையும் விதிப்பதாக அறிவிக்கப்பட்டுள்ளது.