Fri02122016

Last updateFri, 12 Feb 2016 4pm

Back You are here: Home

Articles

ரூ.2,560 கோடியில் குடிநீர், பாதாள சாக்கடை திட்டங்கள் ஜெயலலிதா தொடங்கி வைத்தார்.

நகர்ப்புறங்களில் பெருகி வரும் மக்கள் தொகைக்கேற்ப குடிமைப்பணிகளை நிறைவேற்றிக் கொடுப்பது, அனைத்து மக்களுக்கும் பாதுகாப்பான

குடிநீர் மற்றும் கழிவுநீர் அகற்றும் வசதிகளை வழங்குவது உள்ளாட்சி அமைப்புகளின் தலையாய கடமையாகும். இத்தகைய பணிகளை மேற்கொள்ளும் உள்ளாட்சி அமைப்புகளின் செயல்பாட்டை ஊக்குவிக்கும் வகையிலும் பொது சுகாதாரத்தை மேம்படுத்தும் வகையிலும், கழிவுநீரை அகற்றிடவும், பொதுமக்களின் குடிநீர் தேவையை பூர்த்தி செய்யவும் முதல்-அமைச்சர் ஜெயலலிதா தலைமையிலான அரசு பல்வேறு திட்டங்களை செயல்படுத்தி வருகிறது.

கூட்டு குடிநீர் திட்டம்

அந்த வகையில், காவிரி ஆற்றினை நீராதாரமாகக் கொண்டு வேலூர் மாநகராட்சி, திருப்பத்தூர், ஜோலார்பேட்டை, வாணியம்பாடி, ஆம்பூர், பேரணாம்பட்டு, குடியாத்தம், மேல்விஷாரம், ஆற்காடு, ராணிப்பேட்டை, வாலாஜாபேட்டை மற்றும் அரக்கோணம் ஆகிய 11 நகராட்சிகள்; நாட்ராம்பள்ளி, உதயேந்திரம், ஆலங்காயம், ஒடுக்கத்தூர், பள்ளிகொண்டா ஆகிய 5 பேரூராட்சிகள் மற்றும் 944 வழியோர ஊரக குடியிருப்புகளைச் சேர்ந்த பொதுமக்கள் பயன்பெறும் வகையில் ஆயிரத்து 295 கோடி ரூபாய் மதிப்பீட்டிலான வேலூர் கூட்டுக் குடிநீர் திட்டத்தை தலைமைச் செயலகத்தில் முதல்-அமைச்சர் ஜெயலலிதா காணொலிக் காட்சி மூலமாக தொடக்கி வைத்தார்.

மேலும், மதுரை மாவட்டம் மேலூர், அவனியாபுரம், திருமங்கலம் ஆகிய நகராட்சிகள்; திருநகர், விளாங்குடி, பரவை, வெள்ளாளப்பட்டி, அலங்காநல்லூர், பாலமேடு ஆகிய பேரூராட்சிகள்; 8 ஊராட்சி ஒன்றியங்களில் உள்ள ஆயிரத்து 430 ஊரக குடியிருப்புகள், சிவகங்கை மாவட்டம் சிங்கம்புணரி பேரூராட்சி ஆகியவை பயன்பெறும் வகையில் 784 கோடி ரூபாய் மதிப்பீட்டிலும்;

சேலம் மாவட்டம் எடப்பாடி, கொங்கணாபுரம் மற்றும் மகுடஞ்சாவடி ஆகிய ஒன்றியங்களைச் சார்ந்த 327 ஊரக குடியிருப்புகளைச் சேர்ந்த பொதுமக்கள் பயன்பெறும் வகையில் 46 கோடியே 45 லட்சம் ரூபாய் மதிப்பீட்டிலும்; ஈரோடு ஒன்றியம், மேட்டு நாசுவம்பாளையம் மற்றும் 5 ஊராட்சிகளில் உள்ள 93 ஊரக குடியிருப்புகளைச் சேர்ந்த பொதுமக்கள் பயன் பெறும் வகையில் 11 கோடியே 30 லட்சம் ரூபாய் மதிப்பீட்டிலும், என மொத்தம் 841 கோடியே 75 லட்சம் ரூபாய் மதிப்பீட்டில் அமைக்கப்பட்டுள்ள 3 கூட்டுக் குடிநீர்த் திட்டங்கள்;

குடிநீர் அபிவிருத்தித்திட்டம்

காஞ்சீபுரம் மாவட்டம் திருப்போரூர் பேரூராட்சி, கோயம்புத்தூர் மாவட்டம் காரமடை பேரூராட்சி; கடலூர் மாவட்டம் சிதம்பரம் நகராட்சி; மதுரை மாவட்டம் அலங்காநல்லூர் மற்றும் பாலமேடு பேரூராட்சிகளில் 28 கோடியே 39 லட்சம் ரூபாய் மதிப்பீட்டில் அமைக்கப்பட்டுள்ள குடிநீர் அபிவிருத்தித் திட்டங்கள்;

தூத்துக்குடி மாவட்டம் திருச்செந்தூர் மற்றும் தஞ்சாவூர் மாவட்டம் ஒரத்தநாடு ஆகிய பேரூராட்சிகளில் 32 கோடியே 73 லட்சம் ரூபாய் மதிப்பீட்டில் அமைக்கப்பட்டுள்ள பாதாள சாக்கடைத் திட்டங்கள்; வேலூர் மாநகராட்சியில் 40 கோடியே 49 லட்சம் ரூபாய் மதிப்பீட்டில் அமைக்கப்பட்டுள்ள பாதாள சாக்கடைத் திட்டம்;

திடக்கழிவு மேலாண்மை

காஞ்சீபுரம் மாவட்டம் ஸ்ரீபெரும்புதூர் பேரூராட்சியில் 4 கோடியே 44 லட்சம் மதிப்பீட்டில் அமைக்கப்பட்டுள்ள ஒருங்கிணைந்த திடக்கழிவு மேலாண்மை திட்டம்; பல்லவபுரம் மற்றும் தாம்பரம் நகராட்சி வேங்கடமங்கலத்தில் 44 கோடியே 21 லட்சம் ரூபாய் மதிப்பீட்டில் அமைக்கப்பட்டுள்ள திடக்கழிவு மேலாண்மை திட்டம்;

மதுரை மாநகராட்சியின் மண்டலம் 2 மற்றும் 3, ஓசூர், மறைமலைநகர், ஆற்காடு, பவானி, தருமபுரி ஆகிய நகராட்சிகளில் 17 கோடியே 40 லட்சம் ரூபாய் மதிப்பீட்டில் கட்டப்பட்டுள்ள அலுவலகக் கட்டிடங்கள் 

பனப்பாக்கம் பேரூராட்சியில் 40 லட்சம் ரூபாய் மதிப்பீட்டில் கட்டப்பட்டுள்ள நவீன இறைச்சிக் கூடம்; பள்ளிப்பட்டு, இலுப்பூர், பொன்னமராவதி ஆகிய பேரூராட்சிகளில் 3 கோடியே 23 லட்சம் ரூபாய் மதிப்பீட்டில் மேம்படுத்தப்பட்ட பேருந்து நிலையங்கள், என மொத்தம் 2 ஆயிரத்து 559 கோடியே 77 லட்சம் ரூபாய் மதிப்பீட்டிலான கூட்டு குடிநீர் திட்டங்கள், குடிநீர் அபிவிருத்தி திட்டங்கள், பாதாள சாக்கடை திட்டம், மழைநீர் சேகரிப்பு கட்டமைப்பு, எல்..டி. தெருவிளக்குகள், அலுவலகக் கட்டடங்கள் ஆகியவற்றை முதல்-அமைச்சர் ஜெயலலிதா திறந்து வைத்தார்.

சென்னை மாநகரம்

சென்னை மாநகராட்சி எல்லையில் 643 கோடியே 50 லட்சம் ரூபாய் மதிப்பீட்டில் மேம்படுத்தப்படவுள்ள 108.43 கிலோ மீட்டர் நீள பேருந்து தட சாலைகள் மற்றும் 683.02 கிலோ மீட்டர் நீள உட்புறச் சாலைகள் மேம்பாட்டுப் பணிகளை தொடக்கி வைத்து; சென்னை மாநகராட்சியின் சார்பில் ஆயிரத்து 93 கோடியே 64 லட்சம் ரூபாய் மதிப்பீட்டில் 260 கிலோ மீட்டர் நீளத்திற்கு அமைக்கப்படவுள்ள ஒருங்கிணைந்த மழைநீர் வடிகால் திட்டப் பணிகள் மற்றும் சென்னை மாநகராட்சிக்குட்பட்ட 15 மண்டலங்களில் 48 கோடி ரூபாய் மதிப்பீட்டில் கட்டப்படவுள்ள 400 பேருந்து பயணிகள் நிழற்குடைகள் அமைப்பதற்கான பணிகளுக்கு முதல்-அமைச்சர் ஜெயலலிதா அடிக்கல் நாட்டினார்.

இந்த நிகழ்ச்சியில் அமைச்சர் எஸ்.பி.வேலுமணி, சென்னை மேயர் சைதை சா.துரைசாமி, தலைமைச் செயலாளர் கே.ஞானதேசிகன், அரசு ஆலோசகர் ஷீலா பாலகிருஷ்ணன், நகராட்சி நிர்வாகம் மற்றும் குடிநீர் வழங்கல் துறை முதன்மைச் செயலாளர் .பணீந்திர ரெட்டி, சென்னை மாநகராட்சி ஆணையர் விக்ரம்கபூர், தமிழ்நாடு குடிநீர் வடிகால் வாரிய மேலாண்மை இயக்குனர் சி.விஜயராஜ்குமார், நகராட்சி நிர்வாக இயக்குனர் கோ.பிரகாஷ், பேரூராட்சிகளின் இயக்குனர் .மகரபூஷணம் மற்றும் அரசு உயர் அலுவலர்கள் கலந்து கொண்டனர்.

இவ்வாறு அதில் கூறப்பட்டுள்ளது.